أسـئـلـه صــريـحـه أووووووووي...ياترى مين عنده الشجاعه وهيجاوب....؟!

دى أسئله عجبتنى وحبيت ان كل واحد هنا فى المنتدى يجاوب عليها
اللى هيجاوب يجاوب عن الاسئله كلها
الكلام للبنات و للشباب
هى أسئله طويله شويه..وصريحه حبتين
ياترى مين عنده الشجاعه وهيجاوب عليها
بس على فكره هترتاح بعد متجاوب عليها اووووووى

تـعـالـو نـشـوف


القسم الاول..أسئلة دينية:-

1-بتتخيل(بتتخيلى)نفسك فى الجنه أكتر.. ولا فى النار أكتر..؟
2-لما بتروح المقابر او بتعدى من عندها احساسك بيكون ايه..؟
3-حاسس ان ربنا بيقف جمبك فى مواقف صعبه كتير وانت حاسس أنك ندل حبتين..؟
4-انت حاسس ان ربنا راضى عنك أصلا..؟
5-بأمانه..حلمت بالرسول قبل كده.؟طيب لو حلمت/حلمتى بيه قالك ايه..؟


القسم الثانى..أسئلة نفسية:-

1-بأمانه بردو انت شخصيه نكديه..؟
2-بتبكى قدام الناس ولا بتستكبر تعمل كده..؟
3-أنت شخصيه ضعيفه ولا قويه..؟
4-طيب دلوقتى انت مكتئب ولا فرحان ولا بين البنين..؟
5-بتسمعى كلام اخوكى وبتفهميه ولا" اخويا ايه وبتاع ايه مفيش احسن من الصحاب"..بتسمع كلام أختك وبتفهمه ولا"اسمع كلام بنت واختى كمان ايه الهبل ده"..؟
6- أنت معجب بشكلك وحاسس أنك شكلك حلو..؟


القسم الثالث..أسئلة فى الحب:-

1-أنت شخصيه محبوبه من الناس..ولا الناس بتسترخمك..؟
2-عمرك حبيت من طرف واحد قبل كده..؟
3-نفسك تتحب..؟
4-مريت بقصه فاشله..؟
5-قد ايه بتتنازل علشان اللى بتحبه..؟
6-هو فى كرامه فى الحب يعنى انت مع العباره دى..؟
7-اللى هتتجوزها نفسك يبقا أسمها ايه..اللى هتتجوزيه نفسك يبقا أسمه أيه..؟
8-بزمتك بتحب أسمك..؟
9-بتحب على روحك.. يعنى وانت ماشى عمال تحب فى الناس..؟


القسم الرابع..أسئلةعامة:-

1-نفسك فى ايه علشان تكون راضى وسعيد..؟
2- لو شوفتى اخوكى بيعاكس البنات فى الشارع واتفجئتى ..ايه هيبقى موقفك..؟
3-لو عرفت ان اختك مصاحبه ايه هيبقى رد فعلك..؟
4-لو لقيت 7 شباب بيعاكسو بينت بطريقه فظيعه..بأمانه وبصراحه هتعمل ايه فى الموقف ده
"خلى بالك ان هم 7 شباب طول بعرض بلطجيه يعنى ممكن يشحوروك"..؟
5-نفسك تعتزر لمين انت غلط فى حقه..؟
6-تقول/ى لمين"أرجوك/ى انا عاوز/ه أحبك حسن صورتك عندى شويه"..؟
7-بتقول لمين "تملى معاك"..؟
8-بتقول لمين"هعيش حياتى"..؟
9- بتقول لمين "هو فى ايه"..؟
10- بتكره الخيانه قد أيه..؟



انا كده خلصت ومستنياكو