LoOove" Is all we need"..!

موضوع: LoOove" Is all we need"..! الجمعة يوليو 06, 2012 7:45 am

يعنى ايه حــــب؟!
سؤال سألته لنفسى..

ومكنتش محتاجة اسمع اجابة سؤالى من حد
لانها واضحة وظاهرة قدامى

والجواب كان ان الحـــــب
"هو كلمات بين شباب وبنات بتخلق جواهم مشاعر هما فاكرينها حب"

المعنى دا راسخ فى اذهان معظم الناس وخصوصا الشباب
وكلمة "حــــب" دى اول ما حد ينطق بيها على طول الاذهان تتجه للمعنى دا

بس لاء أكيد فيه حاجة غلط..!
أكيد مش هو دا معنى الحب
اكيد للكلمة دى معانى اسمى وارقى من كدا

لو ركزنا ف معنى الكلمة دى هنلاقى ليها معانى رائـــعة
وان الحب مش مجرد كلمات
..

الحب هو انك تبتسم ف وجه أخيك من قلبك
الحب هو انك تدى من غير ما تستنى مقابل
الحب هو انك تخلى بالك من كلامك علشان مأذيش مشاعر حد
الحب هو انك لما تصحى بالليل ف البرد تروح تطمن على اخوك ف نومه
هو انك تقوم دلوقتى تضم مامتك جامد اوى وتقولها قد ايه بتحبها..!
هو ان القلق يملى قلبك لما باباك يتأخر عن ميعاد وصوله للبيت
هو انك تتصل بصاحبك تطمن عليه بعد ما فارقته بعض
هو ان اب يجمع زوجته واولاده حواليه ويغرس جواهم مبادئ واخلاق الحب
الحب انك تمسح على راس طفل يتيم
الحب انك تقدم مبلغ مالى لام معندهاش تصرف على اولادها

هو التعاون والاخلاص والايثار والامل والوفاء والتضحية
..

ومعانى كتيـــرة اوى ملهاش حصر
اصلا الحب هو اساس علاقتنا بربنا
حبى لربى هيخلينى اعمل اللى يرضيه وابعد عن اللى يغضبه
هيخلينى ارتقى باخلاقى للاحسن علشان يفرح بيا ربى

ومن هنا جاتلى الفكرة
وهى "نشر معنى الحب الصحيح"
لان الحب مش مجرد كلام واان المشاعر دى اللى بتخلقها الكلمات مستحيل تكون حب

..
فكرت فى عمل فريق بيحمل اسم "الحــــب"
وقررت ان الكلمة دى لازم نقولها وبصوت عالى لكن بمعناها الصحيح

"فريق الحب"
هو فريق هينشر الحب بطريقة جديدة
هيقدم خير مادى ومعنوى
مادى:من خلال تجميع مبالغ مالية وتقديمها لاسر محتاجة بجد وظروفها صعبة
من خلال تنظيم زيارات لدور ايتام ورسم البسمة على قلوبهم
معنوى:من خلال نشر مفاهيم جديدة للحب ومحاولة القضاء على عادات سلبية
وتصحيح مفاهيم خاطئة

غمضت عينى وحلمت بفريق الحب محقق نجاح هايل
وشفت الحب موجود ف كل مكان حواليا
..
الفكرة ملحة عليا بشكل فظيع
وحاسة انها هتغير كتير فينا وف حياتنا
عرضتها على عدد قليل من اصحابى
وحبيت اعرضها عليكم
واتمنى لو عجبتكم..
كل واحد يبدأ ف تنفيذها باسم الحب
ف الجامعات والمدارس
ف بالى افكار كتيرة جدا
ولو كل واحد مننا ف كل جامعة بدأ ف تنفيذ الفكرة
بس يكون مؤمن بيها وموقن هدفها
نقدر نتبادل الافكـــــار
علشان ننشر الحب بمفهومه السليم
لان ببساطة..

LoOove Is all we NeeD

مفيش حد يقدر يعيش من غير الحب يا مستر