يعنى ايه مصر ام الدنيا ؟؟؟؟؟؟؟؟؟؟؟؟؟؟ لو انت مصرى ادخل وشوف.

مصر ام الدنيا غصب عن اى حد واللى مش مصدق هذه بعض الادله الواضحه على امومتها


يعنى يقولك إن من اهم انجازات عصر ما بعد الثورة هى مجانية التعليم .. وأى أسرة فى مصر بتبيع اللى وراها و اللى قدامها علشان الدروس الخصوصية

يعنى أبويا يسافر و يتغرب و يوفر شقة لولاده من فلوسه محدش دفع له فيها حاجة ..... وييجى بطرس غالى يفرض عليها ضريبة عقارية.!!

يعنى الباشا يعمل سور لقتل اطفال غزه ..... ويطلع واحد يقولك البرادعى عميل لاسرائيل !!!

يعنى وزير مالية عمل قانون الضرائب العقارية وقال هيدفع عن القصور بتاعته .. وبعدين يطلع يتعالج على نفقة الدولة

يعنى وزير صحة شريك فى كبرى مستشفيات البلد (دار الفؤاد) ومراته تتعالج على نفقة الدولة

يعنى ناس غلابة و مش لاقيين الزلط حتى ... وعضو مجلس الشعب يطلب منهم ثلث قيمة قرار العلاج على نفقة الدولة رشوة عشان يتعالجوا على نفقة الدولة

يعني نزود و نمد الغاز لإسرائيل مدعم لعشرين سنه جايه ------ والمصريين مش لاقيين أنبوبه بوتاجاز

يعني نصدر الكهرباء لإسرائيل ولغيرها --- والمصريين بيموتوا من الحر ، وياإما ترشدوا لهانقطع الكهرباء

يعني وزير الإسكان يبقي سمسار اراضي !

ووزير الصحه بيتعالج علي نفقة الدوله !

يعنى ييجى واحد يسرق فلوسنا وارضنا ويوزعها على اصحابه ...... وييجى واحد يقولك اللى تعرفو احسن من اللى ما تعرفوش

يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لإنعدام الامن فى جنوب أفريقيا و عدم و جود بنية تحتية فى المغرب --- وفجاة تاخد صفر كبييير من لجنة الفيفا

يعنى يطلع واحد فى التلفزيون يقولك آه البرادعى ...عارفه عارفه دا حمدى غيث بتاع انا البرادعى يا رشدى ........

و يبقى تامر حسنى و شعر صدره من علامات الرجولة و لا حول و لا قوة الإ بالله

يعنى يبقى عندك ثلث آثار العالم فى مدينة واحدة بالأقصر وتلاقى دولة زى تونس عدد السائحين فيها اكتر من عندك

يعني تترشح في الانتخابات عن فئة (العمال) وتنجح فتعيش عيشة (الملوك)

يعنى يطلع السيد صفوت الشريف يقول إن الرئيس حسنى مبارك أسطورة لن تتكرر ------ ونلاقى فى عصره مشاكل تعليم – بطالة – أكل – شرب – صرف – تزوير انتخابات – كهرباء – سرقة – بيع مصر وأرضيها – زبالة – فساد - غلاء - بلطجة - ظلم

فى حد لسه نش نصدق انها ان الدنيا لو فيه حد مش مصدق فيه ادله تانى كتيير فى المقال القادم ان شاء الله

ههههههههههههههههههههه
المصدر: mido hamada